Weitere
Strophen:
-
Wia machens denn die Tischler, a so machens de:
habm in Tisch mit Leim angschmiert und sagn, jetzt war a politiert.
-
Wia machens denn die Zimmerleut, a so machens de:
gengan neunmal um an Bam und denkn, dass da Tag vergang.
-
Wia machens denn die Hafner, a so machens de:
nehman si an Patzn Dreck und machen draus a Ofneck.
-
Wie machens denn die Bildhauer, so machens de:
nehman si an Patzn Ton und machn draus an Nackertn.
-
Wia machens denn die Bäcker, a so machens de:
nehman um an Kreuzer Tag und machen draus an Zwanzger-Lab.
-
Wia machens denn die Rauchfangkerer, so machens de:
fahrn mitn Besn nei in Ruaß, dass ma s ganze Haus dann waschn muaß.
-
Wia machens denn die Fleischhacker, so machens de:
haun a Endstrumm Ban auf d Waag, mitn Dam, da druckns nach.
-
Wia machens denn die Lehrer, a so machens de:
sagn dar, drei mal ans is drei und nachmittag, da hams dann frei.
-
Wia machens denn die Professorn, a so machens de:
wissn alls über Philosophie, za was d des brauchst, des sagns dar nie.
-
Wia machens die Beamtn, a so machens de:
patzn d Tintn hin und her, mir gebm dafür die Steuern her.
-
Wia machens denn die Burgermastern, so machens de:
tan si mit die Schuldn prahln, mir Steuerzahler derfns zahln.
-
Wia machens denn die Bauern, a so machens de:
am Tag, da fressns Kraut und Ruabm, bei da Nacht, da machens Madln und
Buam.
-
Wia machens denn die Bauernbuam, a so machens de:
am Samstag gehns auf d Alma nauf, am Montag is no kaner zHaus.
-
Wia machens denn die Weiber, a so machens de:
Vormittag tanzs Windln waschn, nachmittag tans Leut austratschn.
-
Wia machens denn die Schneider, a so machens de:
schnipsln durt und da a Fleckerl, machn draus a Kinderröckerl.
-
Wia machens denn die Wirtsleut, a so machens de:
glaubm, im Keller brennt da Wein, schüttn fleißig Wasser drein.
-
Wia machens heut die Sänger, a so machens de:
wissn viel z'viel Gstanzln drauf, wanns es net paschts, dann hörns net
auf.
So machens d Sänger, so machens de.
|
