Text

|: Wer mir und meiner Schwarzn wås tuat,
Des is a rechta "Flickst-ma-mein-Huat". :|
|: Då gfreit ma'si, daß ma sein' schwarzn Teife endlich hat,
Då kammat so a g'schlamperter Hamperer vo da Stådt. :|

|: Wer mir und meiner Schwarzn wås tuat,
Aber Bruada, Bruada dem gehts net guat! :|
|: Den steckat i eini in d'Odelgruabn mit'm Schopf,
Bis daß eahm mei Schwarze geht aus'm Kopf, dem Tropf. :|

|: I kriag mit meiner Schwarzn koa Ruah,
So sauber is's vom Kopf bis zum Schuah. :|
|: Jetz' muaß's halt ins Kammerl nei, s'Kammerltürl sperr i zua,
So ham halt dann i und mei Schwarze unser Ruah! :|