Münchner Fronleichnamsprozession, bayrische Version

1. Schö is mit 'm Umgang gehn, / Umgang gehn, / Umgang gehn,
   wenn das Wetter ist recht schön / mit dem Umgang gehn.
   Z'erst kommt oana ganga, / a recht a langa, / tragt d'Fahnastanga,
   derweil is grad a Winderl ganga,
   die Fahn des Riesentrumm, / die reißtn um. / Saudumm!
   

2. Veterana, Feuerwehr / und noch mehr / Militär,
   kommen strammen Schritts daher, / mit und ohne Gwehr!
   Dann die kloanan Madln / mit gstärkte Kleidln / und magre Wadln;
   wenns regnt, schauns aus als wia die Fadln,
   na schimpfts die Muatta z'Haus / unbandi aus! / Arme Maus!

3. Oana tuat die Paukn schlagn / glei derschlagn, / muaß ma sagn,
   sollt ma den, weil der ganz gwiß / sternhaglbsuffn is!
   Aber der Trompeter, / a ganz a fetter, / aba a netter,
   und blasen tuat der Attentäter,
   daß's oam glei reißt vom Fleck / d'Ohrwaschln weg! / Hast an Dreck!
   

4. Pilger kumma, jung und alt, / weils eahna gfallt, / sie habn ja zahlt,
   sie habn an Huat, an langn Rock / und in da Hand an Stock.
   Aber in Palästina / des sag i Ihna, / war koana drinna,
   nach'n Umgang gehns zum "Augustina",
   da zuzelns d'Weißwürscht aus, / na wacklns z'Haus. / Dann is aus!
   

5. Und das Fräulein Cäciliäh, / Kopf in d'Höh, / wia(r) a Fee,
   sieght ma die im Neglischee, / wirds oam ach und weh!
   Doch das Fräulein Fanny, / ja, des is oane, / a nette klani,
   die macht 'n Umgang zwegn ihrm Schani,
   denn der steht heut Spalier / als Kürassier! / Wiar a Stier!
   

6. Nebn an Himmel gehn d'Hartschier, / stolz als wia! / Sporngeklirr!
   verwünschn an ganzn Umgang schier, / möchtn lieber a Bier!
   A Schusterbua, a kloana, / ja des is oana, / a Lump wie koana,
   wie der d'Hartschier siacht, muaß er woana,
   weils habn die Sporn so groß / und koane Roß! / Was ist da los?
   

7. Im Gedräng da werd ma 'druckt; / d' Uhr oam zwickt, / ja de Diab san gschickt.
   Eh ma sich nur grad umblickt, / is's dem Lump scho glückt.
   Vom Petersturm der Wachter / sein Umgang macht er / doch heut da lacht er;
   denn es is net wia bei der Nacht, er
   braucht heut alloa net z'gehn, / heut hat er's sche. / Konns versteh!
   

8. Und dann kommt der Prinzregent, / Prinzregent, / Prinzregent,
   mit der Kerzn in de Händ, / die scho nimma brennt.
   D' Musi spielt das Fischerlied, / daß oam ganz damisch wird / und daß ma's Ghör verliert.
   as letzte Jahr sand glei drei Hund krepiert,
   weil so a saudumms Liad / jeds Viech ruiniert! / Bis nix mehr gspürt!